---
title: "Akiliisitsiniartarfik"
date: "2026-06-26"
created: "2025-08-07"
---

# Akiliisitsiniartarfik

[Hjem](https://iserit.gl/)

                    [Inigisaq qimallugu nutsertunut](https://iserit.gl/inigisaq-qimallugu-nutsertunut)

                [Akiliisitsiniartarfik](https://iserit.gl/inigisaq-qimallugu-nutsertunut/akiliisitsiniartarfik)

#### **Iserit A/S-imi Akiliisitsiniartarnermut immikkoortortaq**

Iserit A/S-imi Akiliisitsinartarnermut Immikkoortortaq pingaarutilimmik atuuffeqarpoq, matumani allamut nuuttut attartortullu nuunnerminnut atatillugu aammattaaq najugalittut akiligassaminnik akiliisarnissaat qulakkeerneqartarpoq.  Suliffeqarfiup patajaatsumik aningaasaqarnera illersorniarlugu akiligassat akilinngitsuukkat aalajaalluta nakkutigaavut.

Suleqativut suliaminnut ilisimaarinnillutik sulipput aammalu najugallit imaluunniit najugaqarsimallutik allamut nuuttut inissisimanerannik paasinnilluartuullutik. Taamatuttaaq suliffeqarfiup pisariaqartitai aallaavigalugit aaqqiissutissanik ujartuiniartarlutalu attartortuttaa aningaasatigut pisussaaffiisa suliarinissaannut ikiuuttarluta.

Iserit A/S-imi illuatungeriit tamarmik naapertuilluartumik pilertortumillu sullinneqarnissaat qulakkeerumallugu tunniusimavugut.

*\*Akiitsorineqartut Iserit A/S-imut akilerneqanngippata, imaluunniit Iserit A/S-imut naafferartumik akilersuinissamik isumaqatigiissuteqartoqarpat, Iserit A/S illoqarfimmi eqqartuussissuserisumik suleqateqarpoq, sulianik suliarinnittartumik aammalu Kalaallit Nunaanni Eqqartuussiveqarfimmut ingerlatitseqqittartumik, taanna aqqutigalugu eqqartuussinikkut attartortut aammalu attartortut allamut nuussimasut akiitsui akilersinneqartarput. Tamanna suliami aningaasartuuteqaqqinnermik, gebyrilersuinermik, ernialersuinermillu kinguneqartarpoq, akiitsunut tamakkiisunut ilanngullugit akiligassiissutaasartunik.”*

![](https://iserit.gl/i/MOLIRIMEDIA/282cd192-62e5-447a-28a9-08dd3bbf3c26?width=800)

### Ikiugassaavit?

Ammasarfigut saaffiginnittarfiillu uani takusinnaavatit

                                [Attavissat](https://iserit.gl/MOLIRIPAGE/5955b23e-6cf2-49cb-954e-deb452b7b1c9)

## Apeqqutit akissutissartallit

###

                                    Naafferartumik akilersuinissamik isumaqatigiissut

**Ineqarnermut akiliutip** naafferartumik akilersornissaanut isumaqatigiissusiortoqarsinnaanngilaq.

Kisianni **najugaqartutut akiligassavit** (beboerregning) naafferartumik akilersornissaanut isumaqatigiissusiorsinnaavutit. Naafferartumik akilersuinissamut isumaqatigiissusisoreernermi ineqarnermut qaammammut akiliutissamut ilanngunneqartassaaq.

Paasisaqarnerorusukkuit [Inkasso@iserit.gl](mailto:iserit@iserit.gl)-imut allassinnaavutit, imaluunniit uunga sianerlutit +299 36 30 00.

###

                                     Nutsernermi akilersuinissamik isumaqatigiissut

Aap, nutsereernerup kingorna akiligassaqalersimaguit perisarfissaavoq naafferartumik akilersuinissamut isumaqatigiissusiornissat.

Naaffarartumik akilersuinissamut isumaqatigiissusisoreernermi naafferartumik qaammatikkaarlugu akiligassaq illit najukkannut nassiunneqartassaaq.

Paasisaqarnerorusukkuit akiliisitsiniartarfiup immikkoortortaqarfia saaffigisinnaavat uunga: Inkasso@iserit.gl, imal. uunga sianerlutit 299 36 30 00

###

                                     Akiliinermi

Iserit A/S bankkontorivaa 8120-0003017370.

Atit CPR normullu akiliinermi paasissutissatut allanneqarnissaannut pingaartipparput. Paasissutissat amigarpata kiap akiliutiginerai takusinnaanngilarput.

Apeqqutissaqaruit akiliisitsiniarnermut immikkoortartaqarfik attavigisinnaavat uunga: Inkasso@iserit.gl, imal. sianerlutit uunga: +299 36 30 00

###

                                     Imermut kiassarnermullu akileeqqusissut

***Najugaqartunut*:**

- Akiliisitsiniartarfik aqqutigalugu  naafferartumik akilersuinissamut aaqqissuussisoqarsinnaavoq.

***Nuussimasunut:***

- Akiliisitsiniartarfik aqqutigalugu naafferartumik akilersuinissamut aaqqissuussisoqarsinnaavoq.

###

                                     Girokort

Aap, naafferartumik akilersuinermi girokort-imik allamik nassinneqarnissaq ajornanngilaq.

Akiliisitsiniartarfimmut saaffiginnissinnaavutit uunga inkasso@iserit.gl , girokortimillu nassitsillutit.