--- title: "FAQ – Apeqqutit apeqqutigineqakulasut" date: "2025-08-12" created: "2025-08-07" --- # FAQ – Apeqqutit apeqqutigineqakulasut Najugarisanninngaanniit nutsileruit suliniuterpaaluit eqqumaffigisassaassapput. [Hjem](https://iserit.gl/) [Inigisaq qimallugu nutsertunut](https://iserit.gl/inigisaq-qimallugu-nutsertunut) [FAQ – Apeqqutit apeqqutigineqakulasut](https://iserit.gl/inigisaq-qimallugu-nutsertunut/faq-apeqqutit-apeqqutigineqakulasut) ## Imaassinnaasoq apeqqutit uani akineqarsinnaasoq ### Naafferartumik akilersuinissamik isumaqatigiissut - Ineqarnermut akiliutip naafferartumik akilersornissaanut isumaqatigiissusiortoqarsinnaanngilaq - kisianni najugaqartutut akiligassavit (beboerregning) naafferartumik akilersornissaanut isumaqatigiissusiorsinnaavutit. Naafferartumik akilersuinissamut isumaqatigiissusisoreernermi ineqarnermut qaammmammut akiliutissamut ilanngunneqartassaaq. Paasisaqarnerorusukkuit iserit@iserit.gl-imut allassinnaavutit, imaluunniit ammanerup nalaani 36 30 00-imut sianersinnaavutit. ### Utoqqaassuseq Utaqqisut allattorsimaffiannut allatsinniaruma qassinik ukioqassaanga? 15-ileereersimaguit utaqqisut allattorsimaffiannut allatsissinnaavutit. Aatsaalli 18-iliiguit ilaasortanngorsinnaavutit. ### Inigisanik paarlaanneq/Kissaatigisamik nuunneq Aap, inissiamut anginerusumut mikinerusumulluunniit nuunnissat kissaatigigukku arlalinnik periarfissaqarpoq. **Aajuku periarfissat:** - Iserit A/S / A/S INI aqqutigalugu nalinginnaasumik inissiami allamik attartortumik paarlaaqateqarneq. - Iserit A/S aqqutigalugu sulininnut atatillugu inigisaqaruit Iserit A/S aqqutigalugu allamik sulinerminut atatillugu inigisalimmik paarlaaqateqarneq. - Kissaatigisamik allamut nuunnissamut allatsinneq. Inissiamik paarlaaqateqarnissamut immersugassaq [UANIIPPOQ](https://www.iserit.gl/media/0irhchfx/inimik-paarlaaqatigiinnissamik-qinnuteqaat.pdf "Inimik Paarlaaqatigiinnissamik Qinnuteqaat") Kissaatigisamik nuunnissamut immersugassaq [UANIIPPOQ](https://www.iserit.gl/media/kufpjewm/inissamik-qinnuteqarneq.pdf "Inissamik Qinnuteqarneq") ### Girokort Aap, ineqarnermut akiliummut girokort-imik allamik nassinneqarnissaq ajornanngilaq. Girokort-imik allamik nassiussinermut akitsuut 75 kr.-eqarpoq. ### Akiliinermi Iserit A/S bankkontorivaa 8120-0003017370. Atit CPR normullu akiliinermi paasissutissatut allanneqarnissaannut pingaartipparput. Paasissutissat amigarpata kiap akiliutiginerai takusinnaanngilarput. ### Kollegiat aamma inuusuttunut inissiat Kollegianut inuusuttunulluunniit inissiamut qanoq allatsissinnaavunga? Una [**qinnuteqaat**](https://www.iserit.gl/media/kvfbd5vw/ans%C3%B8gning-kollegiebolig-2019.pdf "Ansøgning+Kollegiebolig+2019") immersorneqassaaq uppernarsaatitullu atoqqusaasut (najugaqarsimanernut uppernarsaatit aamma ilinniarfeqarfigisimasanit uppernarsaatit) ilanngullugit utertillugu nassiuteqquneqarpoq uunga iserit@iserit.gl Imaluunniit allakkatigut uunga: Iserit A/S Issortarfimmut 1B Postboks 1539 3900 Nuuk ### Attaveqarnissamut paasissutissat Attavigineqarnissannut paasissutissat allanngorpata qanoq iliussaanga? Attaveqarnissamut paasissutissat, tassa najukkap, e-mailip, oqarasuaatip/mobilnormup allanngortinnerini nutarterneqarsinnaapput ‘Uanga quppernera’ aqqutigalugu.Imaluunniit e-mailikkut nassiussisoqarsinnaavoq uunga iserit@iserit.gl-imut imaluunniit ammanerata nalaani 36 30 00-imut sianerlutit. ### Sulinermut atatillugu inigisaq Sulininnut atatillugu inigisat ukiuni tallimani najorsimagukku attartornermullu isumaqatigiissummi piumasaqaatit malissimallugit, sulininnut atatillugu inigisavit nalinginnaasumik attartugassatut tigunissaanut qinnuteqarsinnaavutit. Inigisap tigunissaanut qinnuteqaat nassiunneqassaaq uunga iserit@iserit.gl ### Utaqqisut allattorsimaffiat Utaqqisut allattorsimaffiannut allatsineq akeqarpa? Aap, utaqqisut allattorsimaffiannut allatsineq 75 kr.-eqarpoq. Tamatuma kingorna utaqqisut allattorsimaffianiiginnarusulluni 75 kr.-imik akiliuteqarsimanermut uppernarsaat ukiut tamaasa nassiunneqartassaaq. Akiliuteqarsimanngikkaanni utaqqisut allattorsimaffianniikkunnaassaatit allatseqqikkusukkuillu utaqqisut allattorsimaffianni aallaqqaataaniissallutit. ### Inigisamit nuunnermi misissuiartorneq Inigisamit nuunnermi nuunnissaq sioqqullugu nakkutilliiartortitsisoqarsinnaava? Aap, tamanna ajornanngilaq. Taamaallaat attartukkap nuuffiginerani qaqugu misissortikkiartussanerlugu [attartukkap taamaatinnera](https://www.iserit.gl/media/xswbw1jp/opsigelse-af-lejem%C3%A5l.pdf "Opsigelse Af Lejemål") pillugu immersuininni allannissaa isumagiinnassavat. ### Nutsernermi naatsorsuusiornerit Qaqugu nutsernermi naatsorsuutit uannut tunngasut akilerneqassappat? Attartortitsisarnermut immikkoortortaqarfik nutsernermi naatsorsuutinik ilinnut tunngasunik suliaqartarpoq, inimik attartorsimasanni sanasut naammassippata suliaqarsimasuniillu akiligassat allagartaat tamaasa tiguneqareerpata nutsernermi naatsorsuutit naammassineqarsinnaassapput. ### Nutsernermi akilersuinissamik isumaqatigiissut Nutsernermi akiligassaqaraanni naafferartumik akilersornissaanut isumaqatigiissusiortoqarsinnaava? - Aap, nutsereernerup kingorna akiligassaqalersimaguit perisarfissaavoq naafferartumik akilersuinissamut isumaqatigiissusiornissat. - Naaffarartumik akilersuinissamut isumaqatigiissusisoreernermi naafferartumik qaammatikkaarlugu akiligassaq illit najukkannut nassiunneqartassaaq. ### Imermut kiassarnermullu naatsorsuutit ***Attartortunut*:** - Aningaasat pisassat saniatigullu akiligassat ineqarnermut akiliutip tullianut ilanngullugit naatsorsorneqarumaarput. ***Nuussimasunut:*** - Attartukkanniit nuussimaguit pisassavit tigunnginnerini akiitsut naatsorsorneqassapput. ### Imermut kiassarnermullu akileeqqusissut ***Najugaqartunut*:** - Akiliisitsiniartarfik aqqutigalugu qaammatit pingasut angullugit naafferartumik akilersuinissamut aaqqissuussisoqarsinnaavoq. ***Nuussimasunut:*** - Akiliisitsiniartarfik aqqutigalugu qaammatit pingasut angullugit naafferartumik akilersuinissamut aaqqissuussisoqarsinnaavoq. ##### Allanik apeqqutissaqarpit? Apeqqutit uunga nassiutiinnassavat: iserit@iserit.gl