Imaassinnaavoq apeqqutigisat uani akineqarsinnaasoq
Ulloq akiliiffissaq kingulleq eqqorlugu akiligassaq akilerneqassaaq, taamaattorli akiligassaqarfinnut akiliiinermut malittarisassat naapertorlugit akiligassap allagartaata ullua malillugu ullut 14-it kingorna akiliisoqartarpoq.
Pingasunngornerit tamaasa Iserit A/S akiligassaqarfinnut akiligassanik akiliisarpoq.
Kingusinaarluni akiliisoqarnissaa pinngitsoortinniarlugu Iserit A/S-imiit suliakkiissummik tigusaqaraangavit akiligassap allagartaanut suliakkiissummut normumik (rekvisitionsnummer) ilanngussisarnissat pingaaruteqarpoq. Matuma kingorna akiligassap allagartaa suliakkiissummut normumik ilalik akilerneqartussanngorlugu suliakkiisumit akuerineqassaaq.
Iserit A/S bankkontorivaa 8120-0003017370.
Akiligassap/akileeqqusissutip normua imaluunniit suliffeqarfiup aqqa akiliinermi paasissutissatut allanneqarnissaa pingaartipparput. Paasissutissat amigarpata kikkut akiliutiginerai takusinnaanngilarput.
