Illup saqqaata salliligaanik atoqqiineq sipaaruteqarfiusimavoq.
Inissiat pitsaasut ajunngitsuujuassappata aserfallatsaaliorneqassapput. Nuummi Qaarsunnguami sallilikkat ussiillingaatsiarsimapput inissiallu anorimut illersuutaat salliligaallu taarserneqartariaqarsimallutik. Iserit A/S-ip Ingerlatsinermut immikkoortortaqarfia 2020-mi maajimi suliassamut neqeroorutinik piniarpoq, qisuillu akii 30%-inik qaffangaatsiarsimasut paasillugu!
Taamaammat Sanasoq Nuuk Aps-ip suleqatigineratigut Iserit A/S-imi ingerlatsinermi sulisut sallilikkat nutaanngitsut suli ajunngitsut atoqqinnissaannut isumassarsivoq. Sallilikkat pitsaasut angisuut tommetut issutigisut pineqarput.
Sallilikkat piiariarlugit sannavimmukaanneqarput, tassani sinaaniittut nungullarnikut piiarlugit pilattorneqarlutik. Siullermik sporinik ikkussuineq ussiinnermik kinguneqartitsisimavoq. Tamatuma kingorna sallilikkat “ataatsit marlunngortillugit” ikkussorneqaqqissimapput. Taanna sioqqullugu saqqaani sallilikkat anorimut illersuutitallit taarsersorneqarput pisariaqarfiatigullu kiffiutissanik ilaartorneqarsimallutik.
Katillugit illup saqqaata salliligaasa 25%-ii miss. atoqqinneqarput, toqqaannartumillu Iserit A/S sulinermut tamarmut 8%-inik sipaaruteqarsimalluni.
Nuummi Qaarsunnguaq
Illup saqqaani sallilikkat nutaat ”ataaseq marlunngortillugu” (talerperlermi) aamma sallilikkat nutaanngitsut ussiitsut (saamerlermi) uani takuneqarsinnaapput.
Salliligaq qanoq killorneqarnersoq uani takuneqarsinnaavoq, taamaalilluni qisuup ajunngitsortaa atatinneqarluni.
