Inissiat siulliit 32-t juuni 2025-mi piariissapput
Tuujummi Kongevejimi suliniut siumut ingerlalluarpoq, inissiarlu siulleq juuni 2025-mi piariissalluni. Inissiaq marlunnik torsuusamut isaariaqarpoq, inissiallu marlunnik pingasunillu ineeratalinnik akoorlutik. Init tamarmik pitsaasumik annertussusilinnik igaffeqarput/isersimaartarfeqarput, tamarmillu immikkut aneersuartarfeqarlutik. Inissiap titartarnera uani takusinnaavat
-
Piffissaq 1 • Tuujummi suliniut
Sisamanngorneq ulloq 19. maj 2022 Suliniummi Tuujummi nivariaqqaartoqarpoq, tassani Iserit A/S ukiuni aggersuni inissianik 148-nik sanaartussaaq. Sanaartorfissami tamakkiisumik suliarinnittup EMJ-Atcon Greenland A/S-ip maskiinanik assaalinnginnerani pisortaq Torben Kortegaard nivariaqqaartuuvoq.
-
Piffissaq 2 • Tuujummi sanaartukkat nappaanersiornerat
Decembarip 7-ani Tuujummi sanaartukkat nappaanersiorneqarput, inissiat marluk siulliit maanna napparneqarnerat qaliaasalu matunerat malunnartinniarlugu. Ukiuni tulliuttuni katillugit inissiat pitsaasut nutaat 148-t sanaartorneqassapput, inissianut 5-nut agguataarneqartut.
-
Piffissaq 3 • Inissiat siulliit 32-it juuni 2025 piariissapput
Tuujummi sanaartorneq ingerlalluarpoq, pilersaarutillu malillugit inissiaq siulleq juuni 2025 iserterfigineqarsinnaanngussalluni. Inissiaq marlunnik isaariaqarpoq, initailu 2 og 3 rums-inik initaqarlutik. Init tamarmik igaffeqarput inimut ammaannartoq, anerasaartarfeqarlutillu.
-
Piffissaq 4 • Tuujummi pilersaarut DGNB-mit sølvinnatsinneqarpoq
Tuujummi pilersaarut DGNB-mi aaqqissuussineq malillugu akuersissuteqarfigineqarpoq, taanna tassaavoq nunarsuaq tamakkerlugu piujuartitsineq tunngavigalugu aaqqissuussineq. Iserit A/S februaarimi 2025-imi akuersissummik sølviusumik kusanartumik pissarsitinneqarpoq. Sanaartorfiusumik annertuumik suliaqartoqarpoq piumasaqaatit tamaasa naammassiniarlugit, aammalu illup iluani silaannarmik uuttortaanerit misissuinerillu tamarmik ajunngitsumik nammassineqarput. Angusaq kusanartuuvoq, tamakkiisumik suliaqartortavut EMJ-ATCON A/S taakkualu siunnersortaat SWECO qutsavigalugit.
Issiavinnik kaassuartakkanik atuisut pitsorluttullu aamma DGNB-mi nalilersuutinut ilaatinneqarput, tassuunalu pilersaarut Tuujuk angusaqarluarpoq. Isertarfiit tamarmik elevatoreqarput, aammalu isaarissat tamarmik qamutinik atuisunut aqqutissaqarlutik.
Naggasiullugu ikuallattuulernissamut sillimaniarneq pingaarutilittut oqaatigisariaqarpoq, aamma taanna DGNB-mi nalilersuutinut ilaatinneqarmat. Iserit A/S´imi ikuallattuulernissamut sillimaniarneq soorunami pimoorunneqartorujussuuvoq, aammalu pilersaarut Tuujummi ikuallattuulernissamut aaqqiissutaasut tamakkerlutik uppernarsaatissaqartinneqarput.
-