Naammagittaalliuuteqarnissamut ilitsersuut
Qanimut sanileqassagaanni nammineersinnaajutiginerup saniatigut ataatsimoorussami najugaqarsinnaasariaqarpoq.
Sanilinnut inissianniluunniit arlaannik ajornartorsiuteqaruit naammagittaalliuummik nassiussinnginninni misilillugu pineqartup oqaloqatigeqqaarnissaa kajumissaarutigissavarput.
Oqaloqatigiinnikkut aaqqiagiinnginnerit aaqqinneqakkajuttarput. Imaassinnaavoq sanilivit qinngarnartumik pissusilersornini nalugaa.
Naammagittaalliuutit tamarmik pimoorullugit suliarineqartarput imatullu naammagittaalliortoqassalluni:
Taamaallaat allakkatigut naammagittaallliuutit iserit@iserit.gl–imut nassiunneqartut Iserit A/S-imit suliarineqartarput.
Naammagittaalliuut aalajangersimasumut tunngassuteqartuaannassaaq illuatungeriillu pineqartut aqqi najugaallu allanneqartassallutik.
Oqaasiinnakkut naammagittaalliuuteqartoqarpat naammagittaalliuutip allakkatigut naammagittaalliuutigineqarnissaa pillugu ilisimatinneqarumaarputit. Taamaattorli ilaatigut inuttut saaffiginnissutit tunngavigalugit ineqarnermut siunnersortit ujartuisinnaapput.
Inatsisinik unioqqutitsisoqartillugu
Inatsisinik unioqqutitsisoqartillugu ass. nakuusertoqartillugu, sakkortuumik siorasaarisoqartillugu il.il. nammineerlutit taakku politiinut nalunaarutigissavatit.
Naammagittaalliuut qanoq suliarineqartarnersoq
Ineqarnermut siunnersorti naammagittaalliuutinik suliaqartarpoq, taannalu suliap suliarineqarnera pillugu ilisimatitsissaaq. Aaqqiagiinngissutaasinnaasumut iluaqutaasinnaasutut nalilerneqarpat illuatungerit peqataasimasut oqaloqatiginnissamut aggersarneqarsinnaapput.
Naammagittaalliuut suliamiit suliamut nalilersorneqartuaannarpoq aamma inatsmmik atuuttumik torersaarnissamullunniit malittarisassat malillugit sisamassaanik unioqqutitsisoqarnerani attartugaq taamaatinneqarsinnaavoq/atorunnaarsinneqarsinnaavoq.
Ukiup ataatsip qaangiunnerani naammagittaalliuut pisoqalisarpoq.
Iserit A/S-ip aalajangiineranik isumaqataannginneq Nunatta Eqqartuussivianut suliassanngorlugu ingerlateqqinneqassaaq
Iserit A/S-ip aalajangiineranut, suliassanik suliarinninneranut siunnersuineranullunniit isumaqataanngikkuit suliaq Nunatta Eqqartuussivianut suliassanngorlugu ingerlateqqinneqarsinnaavoq. Matumunnga aningaasartuutit attartortup nammineerluni akilissavaai.
