---
title: "Naammagittaalliuutit"
date: "2026-06-26"
created: "2025-08-07"
---

# Qanoq naammagittaalliuuteqassaanga?

[Hjem](https://iserit.gl/)

                    [Isertertunut](https://iserit.gl/isertertunut)

                [Naammagittaalliuutit](https://iserit.gl/isertertunut/naammagittaalliuutit)

### **Maalaarnissamut ilitsersuut – ajornartorsiortoqartillugu ima iliussaatit**

Attartortunik allanik najugaqarfeqateqarnermi ataqqeqatigiinneq pingaaruteqarpoq - ilaannilu affarlerisaq najugaqartorluunniit alla pillugu ajornartorsiortoqarsinnaasarpoq.

**Oqaloqatigiinneq aallarniutitut**

Maalaarummik nassiussitinnak ajornanngippat **inuk pineqartoq oqaloqatigissagit** kaammattuutigaarput. Paatsooqatigiinnerit arlallit inussiarnersumik oqaloqatigiinnikkut qaangerneqarsinnaasarput. Imaalluarsinnaasoq affarlivit pissutsimi allanut akornutaanera sianiginngikkaa.

**Ima maalaassaatit**

Maalaarutit tamarmik pimoorullugit isumagisarpagut, taamaattorli **allakkatigut maalaarutit** uunga nassiussat taamaallaat isumagisinnaavagut:
📧 **iserit@iserit.gl**

Maalaarut makkuninnga imaqassaaq:

- Ajornartorsiut pillugu nassuiaat ersarissoq
- Pineqartut aqqi najugaalu

Sianerlutit ornigullutilluunniit maalaaruit allakkatigut nassiussinissannik piumaffigineqassaatit. Taamaattorli Ineqarnermut Siunnersortivut nammineerlutik attaveqarnissartik pisariaqartoq nalilerpassuk immikkut ittumik attaveqarsinnaapput.

**Malittarisassanik unioqqutitsinermi**

Suliaq **persuttaanermut, sakkortuumik siorasaarinermut imaluunniit allatigut unioqqutitsinermut** tunngappat, nammineerlutit politiinut unnerluutigissavat.

**Maalaarut qanoq isumagineqartarpa?**

- Maalaarut Ineqarnermut Siunnersortitsinnit isumagineqassaaq
- Maalaarutivit tiguneqarsimanera isumagineqarneralu pillugu ilisimatinneqassaatit
- Illuatungeriit pineqartut oqaloqatiginninnissamut aggersagaasinnaapput, tamanna aaqqiagiinngissuteqarnermik iluarsiissutissatut nalilerneqarpat.

**Malittarisassat arlaleriartumik unioqqutinneqarpata**
Torersaarnissamut maleruagassat inatsisilluunniit arlaleriartumik unioqqutinneqarpata, sisamassaanik unioqqutitsinermi inissiamik **attartuineq atorunnaarsinneqarsinnaavoq**.

**Pingaarutillit:**

- Maalaarutit ukioq ataaseq qaangiukkaangat pisoqalillutik atuukkunnaartarput
- Iserit A/S-ip aalajangiinera isumaqatiginngikkukku suliaq **Nunatta Eqqartuussivianut** ingerlateqqissinnaavat. Suliamut atatillugu aningaasartuutaasinnaasut nammineq akilissavatit.

### Nalunaarut pillugu naammagittaalliut

Nipiliornerni, eqqissiviilliornerni, sakkortuumik unamminerni, qimmit il.il. pillugit.

                                [Tuujuuk uunga](https://iserit.gl/p/MOLIRIMEDIA/1ed6f3c3-f22e-411c-29f5-08dd3bbf3c26)