Illumi pigisanut sillimmasiineq
Sillimmateqarnermut paasissutissat
Iserit A/S-ip akisussaaffii
Iserit A/S illunut sillimmataa ikuallannermi , anorersuarnerani, apummit imermillu aammattaaq kiassarnermut sukuluisaarnermullu atortunut ikkussukkanut akornusikkanut taavalu tassanngaannartumik akornusikkanut, ineqartuniit paarsinerlunnermi piliarineqarsimanngitsunut, atuuppoq.
Attartortup akisussaaffii
Iserit A/S-imi attartortuullutit illumi pigisanut atuuttumik sillimmateqarnissat isumagisussaavat, taassumalu illumi pigisatit sillimmasertarpai, assersuutigalugu ikuallattooriataassagaluaruit immaqaluunniit imermik ajutuussagaluaruit atorsinnaasannik.
Piffissamilu aalajangersimanngitsumi inimi attartukkanni ineqarsinnaannginninni, illumi pigisanut sillimmat atorlugu, aningaasartuutitit sillimmasersinnaavatit, tamannalu pisinnaavoq inimut allamut nuukkallartariaqarnermi ajutoorujussuarnerup kingorna.
Tassa ini attartukkat najorsinnaanngikkukku annertuumik ajoquserneqarsimanera peqqutigalugu, inissikkallarfissannik nammineq akilikkannik nassaartussaassagavit inissiffigigallarlugulu. Inissikkallarnermi aningaasartuutaasinnaasut attartortup illumi pigisanut sillimmataani ilaareertarpoq.
Taamaammat Iserit A/S attartortunut kaammattuuteqarpoq illumi pigisanik sillimmat pigilissagaa, Iserit A/S-immi attartortup illumi pigisai aamma nammineerluni pigisat ikuallattoornermi, imermik ajutoornermi assigisaanilluunniit ajortittoqarpat taarsiivigisussaannginnamigit.
