Nukissiuutit - akiligassatit annikinnerulersikkit

Inini tamani assigiimmik kiassuseqartikkit. Termostatit tamaasa inini tamani assigiimmik inissikkit.
Silaannarissarfiit silaannarissaanerluunniit aqqutigalugit isugutak aniatinneqartarpoq, silaannarlu panertoq isaatinneqartarluni. Silaannaq panertoq silaannarmut isugutattumut sanilliullugu silaannaq panertoq kiassassallugu akikinneruvoq.
Kiassiummik pisigit inimilu kiassuseq uuttortarlugu. Kiassuseq gradimik ataatsimik appartikkaanni ukiumut 1.000 kr.-t akiligassanit sipaarneqarsinnaapput. Assersuutigalugu misilillugu 21 gradiutinnagu 20 gradiutiguk.
Errorsiviup ulikkaaqqissaarlugu immertarneratigut imermik sipaarit, erruinermi baalia atorsinnaavat aamma erngup nillertinnissaata tungaanut kuutseqinagu. Nillataartitsivimmi nillarsiisinnaavutit.
Panersaavimmi atisat panersernagit aneerasaartarfimmi manisivimmi errortatit panersersinnaavatit (manisivik aalajangerlugu nivinngarsinnaavat).
Errorsivinnik assigisaanillu pisiniaraangavit taarsigassaappalatuunniit nukissiuutinik atuinerat takusakkit. Eqqaamallugu errorsivik erruivik panersaavillu VVS-imit ilinniarsimasumit akuerisaasumit ikkussuunneqassammata.

Kiassaatit tamaasa akunnattumut, 2-mut 3-mulluunniit inissikkit, akikinneruvoq!
Danfoss termostatit pillugit UANI paasisaqarnerugit (PDF-imut linki, 2017 Din bedste ven Danfoss Termostater DK)

Erruivimmik pisinermi - A+-mik ilisarnaatillit imermik atuinikinnerit, aamma ECO programmitallit toqqartakkit.
Puugutaasat erruivimmut ikinnginneranni nerisassat sinneri imermik kuutsitsiviginngikkaluarlugit piiarsinnaavatit, filterilli eqqiakulanissaa eqqaamallugu.
Erruivimmik pisinermi - A+-mik ilisarnaatillit imermik atuinikinnerit, aamma ECO programmitallit toqqartakkit.
Errorsigaangavit siuliinaveersaartarit errorsinermilu qaqorsaatit ikinnerusut atukkit, tassami Nuummi imeq kalkikitsuuvoq.
Kigutigissarninni imeq kuutsikkunnaartaruk.
Erngup qorlorfii imaluunniit anartarfik uffarfilluunniit kusernersut nakkutigikkit, iluarsagassaqarsimappammi imermut akiligassaq annertoorujunngorsinnaavoq.

Panersaavimmik pisinermi - A+-mik ilisarnaatilimmik toqqaagit.
Ikkuffiit qaminngatittakkit, innaallagiamut atortut innaallagiamik atuisarput qaminngagaluaraangamilluunniit (standby mode).
Inissiap iluani aserfallatsaaliuineq attartortup nammineq akisussaaffigaa, taassuma saniatigut attartortoq pisussaatitaavoq pære-it batteriillu ajoqutillit nammineq taarsernissai.
Iserit A/S siunnersuutigaa innaallagissap nukianut sipaarniaraanni pære-it LED-nut taarsernissai. Halogenspot, glødepære-it imaluunniit sparpære-it pigigaanni, LED-nut taarsikkit. Glødepære-it naliginnaasumik ukioq ataaseq atasarput, LED pære-it ukiut 15-20 tungaanut atasinnaallutik.

*Attartortitsisoq inissiap silataani aserfallatsaaliuineq akisussaaffigaa, soorlu fællesareal-it, majuartarfeqarfiit, torsuusani il.il.