Ineqartuulluni pisussaatitaaffiit pisinnaatitaaffiillu / naliginnaasumik ineqarnermi

Inissiami attartortittakkamiikkaanni akisussaaffimmik periarfissanillu malitseqarpoq. Illit Iserit A/S aqqutigalugu najugaqartutut inigisat tamakkiisumik pissarsiaqarfigiumallugu pissutsit pisariallit, aningaasaqarnermut inatsisinullu tunngasut eqqumaffigisariaqakkatit ukuupput:

•  Aningaasaqarnikkut pisussaaffeqassasutit ilaatigut qaammatikkaartumik ineqarnermut akiliuteqarnikkut
• Inigisavit aserfallatsaalinissaa pitsanngorsarnissaalu eqqarsaatigalugu akisussaaffeqarlutillu periarfissaqassasutit
• Pisinnaatitaaffinnut pisussaaffinnullu tunngatillugu inatsimmik ilisimaarinninnissat

Ineqarnermi akiligassaq

Iserit A/S-mi najugaqartuussaguit piumasarineqartoq pingaarutilik tassaavoq, piffissaq eqqorlugu, qaammatit tamaasa ineqarnermut akiliisarnissaq.

Akiliisarneq

Akiliisarnerit tamarmik aningaaserivik, PBS, Telepost imaluunniit Pilersuisoq aqqutigalugu ingerlanneqartassapput. Ineqarnermut akiliineq kingusinnerpaamik akiligassanngorneriniiit ulluinnaat pingajuanni pissaaq. Akiligassaq qaammatip aallaqqaataani akilereerneqarsimassaaq.

Nukingisaarutit pinaveersaakkit

Maani Betalingsservice-mut ilanngussiinnaavutit, taamaasillutit ineqarnermut akiliutissaq piffissaq eqqorlugu akilerneqartalissalluni. Qaammatit tamaasa bankimiit takussutissamik pisalissaatit suut akiligassat akilerneqartarnersut.

Eqqaamajuk

Ilanngunneqarnerup nalunaarsorneqarnissaata tungaanut piffissaq sivisujaaq ingerlasinaasarpoq, taamaattumik ilanngussimanerup takussutissiami allassimalernissaata tungaanut akiligassat allagartaat pisarnertut nammineq akilertassavat.

Ineqarnermut tapiissut

Kommunerisat aqqutigalugu ineqarnermut tapiissutinik qinnuteqarsinnaavutit. Matumani inoqutigiit inissiami attartortittakkami najugaqartut ikiorsinneqarsinnaapput. Inoqutigiit isertitaat atuuttut kiisalu meeqqat inissiami aalajangersimasumik najugaqartut tunngavigalugit ineqarnermut tapiissutinik tunniussisoqartarpoq.

Qinnuteqarneq

Ineqarnermut tapiissutinik qinnuteqarniaruit nittartakkatigut immersugassaq www.sullissivik.gl aqqutigalugu immersuissaatit imaluunniit najukkanni innuttaasunik kiffartuussivik imaluunniit nunaqarfinni kommunip allaffia aqqutigalugu immersugassaq immersussavat.

Matumani attartornermut isumaqatigiissut immersugaq ilanngullugu kakkiutissavat. Attartornermut isumaqatigiissut tigoriarukku ingerlaannaq qinnuteqarsinnaavutit.

Uumasuutit

Inissiani immikkut isertarfilinni qimmeqarneq/qitsuuteqarneq qularnaveeqqummik akiliuteqareernerup kingorna inerteqqutaanngilaq, tak. malittarisassat atuuttut. Inissiani ataatsimut majuartarfilinni qimmeqarneq/qitsuuteqarneq inerteqqutaavoq.

Iserit A/S-imi inissiamik attartukkanni qimmeqarnissamut imaluunniit qitsuuteqarnissamut periarfissaqaruit peqarusukkuillu, qanoq iliussanerlutit tullianiippoq ilitsersuut

1. Inigisanni qimmeqaqqusaanerlutit imaluunniit qitsuuteqaqqusaanerlutit nittartakkatsinni imaluunniit Iserit A/S-imut saaffiginnissuteqarnikkut paasissutissanik pissarsiniarsinnaavutit.
2. Inigisanni uumasuuteqaqqusaaguit, Iserit A/S-imut saaffiginnissaatit tassanilu inissiami attartukkanni uumasuuteqaqqusaanerit uppernarsarniarlugu allakkamik tunisissaatit. Allakkap uppernarsaatip tunniutinnginnarani 300,00 kr.-it akileqqaarneqassapput.
3. Allagaq uppernarsaat uumasuutit nassarlugu kommunimukaatissavat. Innuttaasunik kiffartuussiviup uumasuutit nalilersorlugulu akiuussutissamik kapitinnermut, naartunaveersaateqarnermut, piginnittuunermut tunngasunut, sillimmatinut il. il. malittarisassat misissussavai. Tamatuma kingorna kommunip uumasuutit pillugu uumasuuteqaqqusaanermut akuersissummik tunissavaatit kiisalu sysmtem-iminni najukkanni nalunaarsorlugu ilanngutissallugu.
4. Akuersissut kommunimeersoq suliareqqitassanngorlugu Iserit A/S-imukaanneqassaaq, ilaatigut tassani uumasuuteqarnermut qularnaveeqqummut akiliuteqaqquneqassallutit, tak. Inissiat attartortittakkat pillugit Inatsisartut peqqussutaat §50 imm. 6, akiliutaassaarlu qaammatinut pingasunut inimut akiliut annertussusaa. Uumasuuteqarnermut qularnaveeqqut akilerneqareerpat Iserit A/S-imit “uumasuuteqarnissamut akuersissutummut uppernarsaat” ilinnut tunniunneqassaaq.

Panersaavik, erruissut, errosivimillu ikkussinerit

Atuutsinneqartoq qanoq iliornissamut piareersaanerit pingaaruteqartumik peqarpoq, attartortukkanni panersaavimmik, erruissummik errorsivimilluunniit ikkussinerit pitinnagit.

Panersaavimmik, erruissummik errosivimmilluunniit ikkussinerit nammineerluni ikkussisoqaqqusaanngilaq Iserit A/S aqqutigalugu najugaqartugaanni, malitsigisinnaammagu atortunut illumullu ajutoortoqarnissaa, imermik aseruinermi aningaasartuutigineqartoq annertooq ajornerpaaffiani kukkusumik ikkusisoqassagaluarpat.

Taamaattumik tamakkuninnga ilisimasalinnut atortut pineqartut ikkutsinneqassapput, attartuisorlu nammineerluni akiligassarissavaai aningaasartuutit tassunga tunngatillugit.

Taassuma saniatigut atortut pineqartut ikkussornissaanut Iserit A/S-minngaanniit akuersissummik allertoqassaaq, immersuiffik qinnuteqaat ikkussinissamut immersorlugu

Naammagittaalliuuteqarnissamut ilitsersuut

Imminut qanilluni sanileriilluni najugaqarneq imminiussuseqarneq ataatsimuussuseqarnertalik soorunami pisariaqarpoq.

Sanilinnik imaluunniit inigisanni allamik ajornartorsiuteqassagaluaruit aallaqqaammut kaammattussavatsigit naammagittaalliuummik nassiussinnginninni pineqartoq oqaloqatigeqqaassagit. Isumaqatigiinngissutaasut amerlasuutigut oqaloqatigiinnikkut aaqqinneqarsinnaapput. Imaassinnaavorluunniit sanilerisavit akornusersuinini ilisimanngikkaa.

Naammagittaalliuutit tamarmik pimoorullugit suliarineqartassapput taamaalillunilu ima naammagittaalliuteqartoqarsinnaavoq:

Naammagittaalliuutit allakkatigut iserit@iserit.gl -imut nassiunneqartut kisimik Iserit A/S-imit suliarineqartarput.

Naammagittaalliuut sukumiisuusussaavoq aamma illuatungeriit pineqartut tamarmik aqqi najugaalu ilanngunneqartassapput.

Oqaasiinnakkut naammagittaalliuteqassagaluaruit ilisimatinneqassaatit naammagittaalliuutit allaganngorlugu anngutissagit. Pisunili ataasiakkaani inuit ornigullutik saaffiginnissuteqarnerini ineqarnermut siunnersortit paasiniaajumallutik apersornerusinnaasarput.

Inatsisit unioqqutinneqartillugit

Inatsisit unioqqutinneqarnerini, assersuutigalugu persuttaasoqarsimappat, siorasaarisoqarsimappat assigisaannilluunniit pisoqarsimappat, politiinut nalunaarutiginissaat illit nammineerlutit isumagissavat.

Naammagittaalliuutit ima suliarineqartarput

Naammagittaalliuutit ineqarnermut siunnersortimit suliarineqartarput, taassumalu ilisimatitsissutigissavaa suliaq ingerlanneqartoq. Illuatungeriit pineqartut aaqqiagiinngissimappata oqaloqatigiinnikkut iluarsineqarsinnaasoq nalilerneqarpat, oqaloqatigiinnissamut aggersarneqassapput.

Naammagittaalliuutinut tunngatillugu suliamiit suliamut nalilerneqartassapput aamma inatsimmik imaluunniit illumi malittarisassanik sisamassaa unioqqutitsisimagaanni attartorneq taamaatinneqarsinnaavoq/atorunnaarsinneqarsinnaavoq.

Naammagittaalliuut ukioq ataaseq qaangiukkaangat atorunnaarsinneqartarpoq.

Iserit A/S-ip aalajangiineranik isumaqataannginneq Nunatta Eqqartuussivianut suliassanngorlugu ingerlateqqinneqassaaq

Iserit A/S-ip aalajangiineranut, suliassanik suliarinninneranut siunnersuineranullunniit isumaqataanngikkuit suliaq Nunatta Eqqartuussivianut suliassanngorlugu ingerlateqqinneqarsinnaavoq. Matumunnga aningaasartuutit attartortup nammineerluni akilissavaai.

Torersaarnissamut maleruagassat

Eqqaamallugu torersaarnissamut maleruagassat allanuinnaq atuunnatik, ilinnut, inoqutigiinnut, pulaartunullu aamma atuupput.

Sanilinik najugaqatinillu mianerinninnissaq pingaaruteqarpoq. Najugaqartut akunnerminni ajunngitsumik pissuseqarfigisarnerat najugaqarfimmi pitsaasumi toqqissisimanissamut annertuumik sunniuteqaqataasarpoq. Attartortup inissiaq paarinerluppagu, aserorteriffigippagu imaluunniit attartortoq ineqarnermut kiassarnermullu akilinngitsuukkaminik akiligassaqalerpat attartortitsisup attartorneq atorunnaarsissinnaavaa.

Qulequttat ataani pineqartut torersaarnissamut maleruagassartaani uani atuarsinnaavatit:

• Inissiamik atuineq
• Inissiap attartukkap ilua
• Silaannarissaaneq illullu iluata silaannaa
• Pujortarneq ikumatitsinerlu
• Nipiliorneq pisorpalunnerlu
• Uumasuuteqarneq (qimmeq qitsullu)
• Inissiap attartukkap silataa
• Ataatsimoorussat, quit, aneerasaartarfiillu
• Inissiani attartukkami eqqaanilu ajoqusersuineq
• Inissiami attartukkami allannguutit
• Nutsernermi atatsillugu misissuineq