Iserternissaq sioqqullugu

Inissiamik attartugassamik neqeroorfigineqarneq pillugu nutaarsiassap nuannaarutiginerani apeqqutissat assigiinngitsut takkussuutilertarput kiisalu iserternissamut atatillugu suliassanik pingaarutilinnik eqqarsaatigisassaqarputit:

• Najugaqarfimmi malittarisassanik atuarluarnissat pingaaruteqarpoq.
  
  
• Tamatuma kingorna attartornermut isumaqatigiissut atuaqqissaassavat atsiorlugulu.
  
  
• Qularnaveeqqut + ineqarnermut akiligassaq siulleq akilerneqarsimasut Iserit A/S-imit takuneqarsinnaalerpata matuersaatit ilinnut tunniunneqarsinnaalissapput, aamma tassani qaqugu iserternermi misissuisoqassanersoq isumaqatigiissuteqassaasi.
  
  
• Suut tamarmik ajoquteqannginnissaat qulakkeerniarlugu Iserit A/S-imi inissianik nakkutilliisoq peqatigalugu iserternermi misissuissaatit.
  
  
• Iserternermi misissuinermi takuneqanngitsoorsimasunik isertereerninni ajoqutinik maluginiagaqaleruit ullut 14-it qaangiutsinnagit tamanna Iserit A/S-imi Ingerlatsinermut Immikkoortortaqarfimmut nalunaarutigineqassaaq.

Attartornermut isumaqatigiissut

Initaarsimanerit Iserit A/S-imit uppernarsarneqarsimappat attartornermut isumaqatigiissut atsiugassaq tigujumaarpat.
Qularnaveeqqummut akiligassap aamma qaammammut siullermut ineqarnermut akiligassap kiisalu allakkap iserternerit pillugu paasissutissanik pingaarutilinnik imallip attartornermut isumaqatigiissummut ilanngunneqarumaarnerat eqqumaffigissavat.

Innaallagissamut, imermut kiassarnermullu akiliisalernissamut akiliisarunnaarnissamullu nalunaarneq

Inissianut Iserit A/S-imit aqunneqartunut iserternermi nuunnermilu innaallagissamut, imermut kiassarnermullu akiliisalernissamut akiliisarunnaarnissamullu nalunaarnerit Iserit A/S-imut nalunaarutigineqartassapput (Nukissiorfinnuunngitsoq).

Akiliisalernissamik nalunaarneq pissaaq attartornermut isumaqatigiissutip atsiorneranut atatillugu aammalu akiliisarunnaarnissamik nalunaarneq pissaaq Iserit A/S-imi inigisamik attartorunnaarnermut atatillugu. 

Qularnaveeqqut

Inissiani attartukkani tamani qaammatini tallimani ineqarnermut akiligassat nalinganik qularnaveeqqummut akiliisoqartarpoq.

Qularnaveeqqutip qaammatini 12-inut agguarlugu akilersorneqarnissaanut qinnuteqartoqarsinnaavoq. Qularnaveeqqutip naafferarlugu akilersornissaa kissaatigigaanni uku Iserit A/S-imut tunniunneqassapput:

Akissarsiat allagartaat kingulliit pingasut, ukiumoortumik naatsorsuut kingulleq kiisalu aningaaserivimmiit aningaasaqarnermut takussutissaq. Ukiunilu kingullerni pingasuni Iserit A/S-imut akiitsoqarsimaguit qularnaveeqqut naafferarlugu akilersorsinnaanngilat isertinnginnermilu qularnaveeqqummut akiligassaq tamaat akilerneqassaaq.

Inissiaq qimareerukku qularnaveeqqut aningaasartuutinut ilanngaatigineqarumaarpoq. Tamatumalu kingorna qularnaveeqqut tamakkiisumik ilaannakuusumilluunniit tigussanerlugu imaluunniit akileeqqissanerlutit paasiumaarpat.

Matuersaatinik tunniussinerit il.il.

Qularnaveeqqut + ineqarnermut akiligassaq akilersimagitit Iserit A/S-imiit takuneqarsinnaalerpat inissiamut attartukkamut matuersaatit tigujumaarpatit.

Iserternermi misissuineq

Iserit A/S-ip Inissianik nakkutilliisua initaanni misissuissaaq aamma ajoqutinut amigaatinullu nalunaarusiussaaq, taannalu illit atsiussavat, taamaalillutik inissiap qimannerani ilinnut akiligassanngussanngimmata.
Sapaatit akunneri marlut siulliit iluani, nutsereernerup kingorna, amigaatinut allattuinissannut periarfissaqarputit, iserternermi misissuinermi takuneqanngitsooneqarsimasut nalunaarutigalugit.  Allattukkatit Iserit A/S Ingerlatsinermi immikkoortortaqarfianut tunniutissavatit.

Illumi pigisanut sillimmasiineq

Sillimmateqarnermut paasissutissat

Iserit A/S-ip akisussaaffii

Iserit A/S illunut sillimmataa ikuallannermi , anorersuarnerani, apummit imermillu aammattaaq kiassarnermut sukuluisaarnermullu atortunut ikkussukkanut akornusikkanut taavalu tassanngaannartumik akornusikkanut, ineqartuniit paarsinerlunnermi piliarineqarsimanngitsunut, atuuppoq.

Attartortup akisussaaffii

Iserit A/S-imi attartortuullutit illumi pigisanut atuuttumik sillimmateqarnissat isumangisussaavat, taassumalu illumi pigisatit sillimmasertarpai, assersuutigalugu ikuallattooriataassangaluaruit immaqaluunniit imermik ajutuussangaluaruit atorsinnaasarnik.

Piffissamilu aalajangersimanngitsumi inimi attartukkarni ineqarsinnaannginnerni, illumi pigisanut sillimmat atorlugu, aningaasartuutitit sillimmasersinnaavatit, tamannalu pisinnaavoq inimut allamut nuukkallartariaqarnermi ajutoorusussuarnerup kingorna.

Tassa ini attartukkat najorsinnaanngikkukku annertuumik ajoquserneqarsimanera peqqutigalugu, inissikkallarfissarnik nammineq akilikkarnik nassaartussaassagavit inissiffingingallarlugulu. Inissikkallarnermi aningaasartuutaasinnaasut attartortup illumi pigisanut sillimmataani ilaareertarpoq.

Taamaammat Iserit A/S attartortunut kaammattuuteqarpoq illumi pigisanik sillimmat pigilissagaa, Iserit A/S-immi attartortup illumi pigisai aamma nammineerluni pigisat ikuallattoornermi, imermik ajutoornermi assigisaanilluunniit ajortittoqarpat taarsiivingisussaannginnamigit.

Errorsivimmik, erruissummik panersaavimmillu ikkussinerit

Inissiami illit attartukkanni errorsivimmik, erruissummik panersaavimmillu ikkussuisoqannginnerani pingaarutilimmik qanoq iliornissamut piareersaasoqassaaq.

Kukkusumik ikkussuinerup kingunerisaanik erngup ajoqusiinera pissutigalugu annertuumik aningaasartuuteqarnera aamma illuutit atortullu ajoqusernerannik kinguneqarsinnaanera pissutigalugit Iserit A/S aqqutigalugu najugaqartutut nammineerluni errorsivimmik, erruissummik panersaavinnillu ikkussuisoqaqqusaanngilaq.

Inatsit naapertorlugu erngup ajoqusiinera piaaraluni iliuuseqarnertut isigineqarpoq, taannalu inissiamik attartukkamik atorunnaarsitsinermik kinguneqartarpoq attartortumullu aningaasatigut kinguneqassalluni.

Taamaammat atortut pineqartut ilisimasalinnit ikkussorneqassapput, taakkununngalu aningaasartuutit attartortumit akilerneqassapput.

Tamatuma saniatigut immersugassamik ikkussuinissamut qinnuteqaammik immersuinikkut atortut pineqartut ikkussornissaannut Iserit A/S-imut akuersissummik piniartoqassaaq.

Nuunneq nalunaarutigiuk

Nuunnerit www.sullissivik.gl aqqutigalugu inuit allattorsimaffiannut nalunaarutigiuk.