Taakkua pillugit atuarsinnaavatit, najugaqartuullutit maleruagassat ilinnut suut ilaanersut, qanorlu maleruagassat aalajanngiunneqartarnersut.
Iserit A/S-mi najugaqartuussaguit piumasarineqartoq pingaarutilik tassaavoq, piffissaq eqqorlugu, qaammatit tamaasa ineqarnermut akiliisarnissaq.
Akiliisarneq
Akiliisarnerit tamarmik aningaaserivik, PBS, Telepost imaluunniit Pilersuisoq aqqutigalugu ingerlanneqartassapput. Ineqarnermut akiliineq kingusinnerpaamik akiligassanngorneriniiit ulluinnaat pingajuanni pissaaq. Akiligassaq qaammatip aallaqqaataani akilereerneqarsimassaaq.
Nukingisaarutit pinaveersaakkit
Maani Betalingsservice-mut ilanngussiinnaavutit, taamaasillutit ineqarnermut akiliutissaq piffissaq eqqorlugu akilerneqartalissalluni. Qaammatit tamaasa bankimiit takussutissamik pisalissaatit suut akiligassat akilerneqartarnersut.
Eqqaamajuk
Ilanngunneqarnerup nalunaarsorneqarnissaata tungaanut piffissaq sivisujaaq ingerlasinaasarpoq, taamaattumik ilanngussimanerup takussutissiami allassimalernissaata tungaanut akiligassat allagartaat pisarnertut nammineq akilertassavat.
Paasisaqarnerorusukkuit iserit@iserit.gl-imut allassinnaavutit, imaluunniit ammanerup nalaani 36 30 00-imut sianersinnaavutit.
Aap, ineqarnermut akiliummut girokort-imik allamik nassinneqarnissaq ajornanngilaq. Girokort-imik allamik nassiussinermut akitsuut 75 kr.-eqarpoq.
Iserit A/S bankkontorivaa 8120-0003017370.
Atit CPR normullu akiliinermi paasissutissatut allanneqarnissaannut pingaartipparput. Paasissutissat amigarpata kiap akiliutiginerai takusinnaanngilarput.
